Her følgjer eit lite utval bilder som eg har overført frå mobilen til pc-en hennar tante med ein kabel som eg vurderte å kjøpa tidlegare men som kosta finskjorta (40 euro) og derfor gav beng i, men som ho tante heldigvis hadde liggjande og dermed tillet bruk av, difor denne post-italia-samlinga av bilete hovudsakleg frå Italia men også frå Spania, der eg jo som kjent held meg no og ikkje heilt kan unngå å fotografera med mobilen min som jo nesten er meir kamera enn mobil og som har fleire knappar enn skjorteavdelinga på Dressmann, om de tek poenget.
Om de klikkar på bileta vert dei større!!
Ein av alle desse idylliske kanalane i Padova.
God stemning utanfor, der ein tilbrakte ofte fleire timar i strekk utan å gjere anna enn å drikka kaffi og få god trening i muntleg italiensk.
God stemning under ein bursdagsfeiring helga før eg reiste.
Uvêr på veg utanfor den historiske universitetsbygningen (frå 1222) og eg er langt heimefrå utan paraply. Det betyr at ein må søke tilflukt i ein iskrem-bar.
Katten til Vigdis og Gemma (Sirius) som et små tomater. Eg er upopulær hjå dyret.
Gata som eg budde i: Via Belzoni.
Henriette snikfotografert på ein snasen kafè.
Volleyballturneringa på Ederle. Vertane vann.
Utsikt frå verandaen til Vigdis og Gemma.
Ingen kommentarer:
Legg inn en kommentar